كلية تدريب خانيونس

اهلا" بك يازائر لكي تتمكن من المشاركة واضافة المواضيع يستوجب عليك التسجيل وشكرا" لزيارتك لنا

    ؟؟؟ مين اغلي الوطن ولا الكراسي ....

    شاطر

    أبوقصي حمدان

    عدد المساهمات : 272
    نقاط : 13389
    تاريخ التسجيل : 29/10/2010
    العمر : 24

    ؟؟؟ مين اغلي الوطن ولا الكراسي ....

    مُساهمة من طرف أبوقصي حمدان في الثلاثاء يناير 04, 2011 6:23 pm

    بسم الله الرحمن الرحيم
    انا بدي اشوف راي القليل من القله من الشباب في غزة وبنات غزة هل انتم معجبون بالي بحصل في قطاعنا الحبيب من اعتقالات وقتل وتفجيرات وحروب وكره وحقد والكتر والكتر من الشغلات المحرمه في ديننا انا بدي افهم هل سارت قصتنا قصت كهرباء اجت الكهرب وقطعت الكهرب ولا قصتنا قصت مساعدات الناس ولا العالم العربي بعطف علينا طيب ليش نخلي العرب يعطفوو ويشحدونا مساعداتهم نحن نشكرهم بس مش لازم هما الي ساعدونا احنا الي لازم نساعد حالنا من حالنا ونوحد بعضنا وبكفي كره وحقد وقتل ببعض انا انا استغرب انوو كل القصص الي بتحصل هين بغزة سارت اهم من القدس واهم من دولتنا الفلسطينيه المستقله يعني انا استغرب كمان انوو من يوم مسرنا نحقد علي بعض من اجل حماس وفتح انسينا القدس بطلنا نسمع عنوو علي شاشات حماس اوو فتح التلفزيونيه يعني اشي مخزي عنجد لمن يسير قصه غزة وقصه المساعدات وقصت الكهرب والي اخره من الامور المتعلقه بغزة تسير اغلي من القدس يعني هل برايكم الاموال والجيبات والقصور والبيوت والمساعدات الكهرب والحراس والسلاح واللبس والمال والي اخره هل هدول الاشياء اغلي من الارض واغلي من فلسطين واغلي من القدس لا هدول الاشياء بنسبا الي اشي تافه لايسوا فرنق واحد بنسبا لارضنا ولقدسنا الحبيب يقولون لي ناس لاتحكي بالشارع هيك حكي لحسن يعتقلوك ويضربوك بس انا مابخاف غير من الي خلقني الموته موته وحده اموت مظلوم ولا اموت ظالم اقولها لمين ماجي انا مش خايف من اي حد لانوو مابشيل الرقبه غير الي زرعها ومابشيل الوروح غير الي حطها يعني افهموو هادا الاشي ولاتخلوو انفسكم خائفه عن كلمه الحق ...


    اخيرا بحب احكي لشباب وللبنات احكولي رايكم وبصراحه ياريت
    تحياتي ليكم ااخوكم ابوقصي
    avatar
    الحرة بقلب اسير

    عدد المساهمات : 206
    نقاط : 13029
    تاريخ التسجيل : 17/12/2010
    العمر : 25

    رد: ؟؟؟ مين اغلي الوطن ولا الكراسي ....

    مُساهمة من طرف الحرة بقلب اسير في الثلاثاء يناير 04, 2011 7:26 pm

    كل كلمة كتبتها أخ أبو قصي للأسف صح شي ما في خطأ أنا بأيدك بهالكلام أنا قبل هيك كتبت كلام كثير عن هاي القصة وبعدها سحبت كل كلامي لأني عارفة إنو ما في فايدة من الكلام نهائي لأنه الكل مطنش وعايش حياته مع إنو الكل مش عاجبه حياته بس بساير فيها مسايرة صدقني بس في عمري ما توقعت أن العرب يكونوا بهيك بلادة مو فارقة معهم لا القدس ولا فلسطين ولا ذكرينها أصلا ولا في بالهم لو بدي أحكي بهذا الموضوع صدقني كل ورق العالم ما بتكفي ورح أظل أكتب وأكتب بس برده ما في فايدة القنوات الفلسطينية ما بتعرض شو صار بالقدس وشو آخر الاخبار بفلسطين لا قناة بس الاسم قناة فلسطين تقولك شو صار بغزة من قبل مليشيات حماس وشو اللي بيعملوه بالناس وقناة الاقصى تعرض وتقولك شو عملت فتح لأعضاء حركة حماس بالضفة وهيك قصتنا ما في حد نافع فيهم ما ضل نجرب غير الجهاد والجبهة ونشوف صارت قصتنا حكاية للعالم العربي اللي بضحك علينا بالمساعدات على إنا جوعانين وبسكتوا فينا شوية شوية بس هاي بلادة بالعرب مش أكثر مثل ما قلت المفروض ما نقبل المساعدات من البلدان العربية المجاورة والمفروض المساعدة تكون بوقفتهم جنبنا ضد العدو واتحادنا مع بعض ونكون إيد وحدة وما نتفرق نهائي بس هذا ما رح يصير غير اذأ إتحد الشعب الفلسطيني أولا ثم يتحد مع البلدان العربية مش احنا متفرقين لفتح وحماس وسلفية وجبهة وجهاد وتلصيق بالكرسي ما بيقوموا عنوا غير إدا ربنا أخدهم من عليه وكل واحد من الفصائل يرمي بلاه على غيره حياة ولا عيشة -------ما بدنا نكمل أكثر من هيك يا عمي حتى المساجد فيه لحماس وفيه للسلفية بس للأسف تاعين حركة فتح ما مسموح إلهم يفوتو مساجد حماس لانو السلطة لحماس غير البهادلوالضرب والشتم والاعتقال من دون سبب طفل يرفع راية لفتح بالانطلاقة شو بالنسبة إلكم عملت فيه حماس أول شي ضربته ضرب ولا كأنها بتضرب بإنسان ما بترحم يا عمي هذا طفل وبظله طفل ما بنفع هيك أما أمه لما أجت تشد إبنها من التنفيدية برده شو بتتوقعوا حماس عملت فيه حطتها مكان إبنها وإخدوا والله يضربوا فيها ما رحموها واه معتصماه أين الرأفة والرحمة مرأة تسلب كرامتها أمام مرأى الجميع من رجال وأبناء شعبها العظيم وطفل يعتقل منذ صغره لانه يرفع راية والله وما رح أحلف أكثر من هيك لو رفع راية لاسرائيل كان والله ما كلموه بس لا كيف هدا فلسطيني عدو على فكرة القصة هاي تعت الطفل قدام عيني صارت وأنا ما بتبلى على حد وما بحكي غير اللي بشوفه عن جد ياشباب ويا صبايا هذا حالنا متى أجى الكهرب متى قطع متى الكبونة متى الدور الثاني ما أحد يسئل عن القدس ولا عن فلسطين تقريبا أيام قليلة وسأذكركم بأن أطفال فلسطين ستمحى عن ذاكرتهم أحرف القدس وفلسطين ولن تكون بالحسبان
    avatar
    الحرة بقلب اسير

    عدد المساهمات : 206
    نقاط : 13029
    تاريخ التسجيل : 17/12/2010
    العمر : 25

    رد: ؟؟؟ مين اغلي الوطن ولا الكراسي ....

    مُساهمة من طرف الحرة بقلب اسير في الثلاثاء يناير 04, 2011 7:36 pm

    يا إلهي ماذا حل بحالنا يا رب إرحمنا لو بدي أحكي بهذا الموضوع ما رح أخلص من هان لبكرة هذا جزء بسيط من اللي عندي ويا ريت يكون وصللكم الفكرة
    تحياتي الحرة بقلب أسير
    تحياتي ليك أخ أبو قصي حمدان يا شهم الله محي أصلك وفعلا مارح نخاف من كلمة الحق ورح نقولها قدام <عص وأكبر ناس بحماس وبفتح وفعلا ما بوخد الروح إلا اللي خلقها وما خلع الرقبة إلا اللي زرعها
    دمت دخرا لفلسطين
    الفلسطينية وين يا عرب وين الملايين الشعب العربي وين
    لا حياة لمن ينادي

    أبوقصي حمدان

    عدد المساهمات : 272
    نقاط : 13389
    تاريخ التسجيل : 29/10/2010
    العمر : 24

    رد: ؟؟؟ مين اغلي الوطن ولا الكراسي ....

    مُساهمة من طرف أبوقصي حمدان في الثلاثاء يناير 04, 2011 7:40 pm

    الله محي اصلك فعلا كلام روعه ومعبر عن الفلسطينيه
    تحياتي ليكي
    انا اصلن مش جاي ولا منزل الموضوع هادا حتي اكبر راسي لا هادا الحق ولازم ينحكي

      الوقت/التاريخ الآن هو الأربعاء ديسمبر 13, 2017 1:49 am